Буриадад Цагаан сараар хоёр хоног амарна

ОХУ-ын Буриадын тэргүүн Алексей Цыденов “2020 онд Цагаан сарыг тэмдэглэх тухай” захирамж гаргалаа.

Буриадад Цагаан сарын шинийн нэгэн хоёрдугаар сарын 24-нд таарч байгаа. Урьд өдөр нь буюу хоёрдугаар сарын 23-нд ОХУ-ын Цэргийн баяр буюу Эх орноо хамгаалагчдын өдөр. Гэхдээ Цэргийн баяр Ням гарагт таарсан тул ажлын өдөрт шилжүүлэн амрах болжээ.

Ингэснээр Буриадад Цагаан сараар хоёр хоног амарна. Харин хагас, бүтэн сайн өдрөө оруулбал дөрөв хоног дараалан амрах болж байгаа юм.