2019 онд Гиннессийн дээд амжилт тогтоосон алдартнууд
2019 он дуу хөгжим, кино урлагийн алдартнуудын хувьд Гиннессийн олон дээд амжилт тогтоосон жил байлаа. Үүнд Жастин Бибер, Эд Шираны хит болсон дуунаас эхлээд Ким Кардашяны твиттер дэх дагагчид зэргийг нэрлэж болно. Та бүхэнд энэ жил соёл урлагийн салбарын алдартнуудын тогтоосон Гиннессийн томоохон дээд амжилтуудаас хүргэж байна.
Хью Жекмэн
"Нохой зээх", "Х хүмүүс" киногоороо алдартай, Австралийн жүжигчин Хью Жекмэн "Марвелын супер баатрын дүрийг хамгийн урт хугацааны турш бүтээсэн жүжигчин" гэх Гиннессийн дээд амжилтын эзэн болжээ. Тэрээр нийт 16 жил 228 хоногийн турш "Нохой зээх" болон "Профессор Чарьлз"-ын дүрээр нийтэд алдаршсан юм.
Эд Ширан ба Жастин Бибер
Эд Ширан ба Жастин Бибер нар хамтран 2019 оны тавдугаар сарын 10-нд "I don't care" гэх дуугаа гаргасан. Тэгвэл энэхүү дуу нь "Spоtify дээр эхний 24 цагийн дотор хамгийн их сонссон дуу" мөн "Spоtify дээр 24 цагийн дотор хамгийн их сонссон дуу" гэсэн Гиннессийн дээд амжилтыг тогтоожээ. Энэхүү амжилтыг өмнө нь Мэрайя Кэри эзэмшдэг байв.
Ким Кардашян
Жүжигчин Ким Кардашян 2019 оны наймдугаар сарын 2-нд телевизийн "Mogul" реалити шоугаараа "Твиттер дээрх хамгийн олон дагагчтай телевизийн реалити шоу" гэх дээд амжилтыг тогтоожээ. Тус шоу твиттер дээр 61,438,119 дагагчтай юм.
Битлез
Британийн алдарт "Битлез" хамтлагийн "Abbey Road" цомог 50 жилийн ойгоороо нэгэн гайхалтай Гиннессийн дээд амжилтыг тогтоосон. Тус цомог 49 жил 252 хоногийн дараа "Хамгийн урт хугацааны дараа Британийн шилдэг болсон цомог" амжилтын эзэн болсон байна.
Мэрэйя Кэри
Түүний "All i want for Christmas is you" дуу нь "Зул сарын баярын үеэр АНУ дахь Биллбоард шилдэг 100 дууны жагсаалтад хамгийн олон удаа бичигдсэн дуу" гэх дээд амжилтыг тогтоожээ. Энэхүү амжилт нь түүний дуу одоо ч хуучраагүй гэдгийг илтгэх ба "Гиннессийн дээд амжилтууд 2020" номд орж байгаа юм.
Эх сурвалж: GuinnessWorldRecords.com