Трампын айлчлалд бэлтгэн ядуусын хорооллоо ханаар тусгаарлав

Энэтхэгийн Ахмадабад  хотын захиргаа АНУ-ын Ерөнхийлөгчийн нүднээс ядуусын хорооллоо далдлан хана босгож эхэлжээ. Трампын цуваа явж өнгөрөх хэсэгт метр хагасын өндөртэй 500 метр хана барьж байгааг тосгоны оршин суугчид эсэргүүцэж байна. Харин хотын удирдлагууд барилгын ажил Трампын айлчлалд хамаагүй, замыг зааглах төлөвлөгөөт арга хэмжээ гэж мэдэгджээ.

АНУ-ын Ерөнхийлөгч ирэх долоо хоногт хоёр хоногийн айлчлалаар Энэтхэгт очиж Ерөнхий сайд Нарендра Модитай худалдааны шинэ гэрээ байгуулах юм.