Бельги хөл хориог сулруулах хоёрдугаар үе шатыг эхлүүлжээ

Бельгид коронавирусний цар тахалтай холбогдуулан 3 дугаар сарын 14-нд авсан хөл хорионы арга хэмжээг сулруулах хоёрдугаар үе шатыг эхлүүлжээ. Хөл хориог цуцлах хоёрдугаар үе шатны хүрээнд музей, үсчин, гоо сайхан зэрэг үйлчилгээ үзүүлдэг газруудыг үйл ажиллагаагаа явуулахыг зөвшөөрөх аж.

Түүнчлэн автомашины зогсоолын газруудын үйл ажиллагааг сэргээжээ. Өмнө нь хөл хориог хэрэгжүүлж эхлэх үед жолооч нар төлбөр төлөхгүйгээр хүссэн зогсоолын газраа тээврийн хэрэгслээ байршуулж байжээ.

Үүнээс гадна хоёрдугаар үе шатанд олон хүнийг хамруулахгүйгээр хувийн үдэшлэг зохион байгуулах, хурим болон оршуулганд хамгийн ихдээ 30 хүн оролцохыг зөвшөөрч байгаа аж.

 

Тавдугаар сарын 4-нөөс Бельгид 4 үе шаттайгаар эхлүүлсэн хөл хориог сулруулах үйл явц хамгийн багадаа 4 сар үргэлжлэх аж. Эхний шатанд иргэдийн хөл хөдөлгөөнд тавих хязгаарлалтыг сулруулжээ. Тухайлбал, гудамжинд спортоор хичээллэхийг зөвшөөрсөн байна. 

Бельгид 55559 тохиолдол бүртгэгдэж, халдварын улмаас 9080 хүн нас баржээ.