ДАРХАН-УУЛ: Соёлын өвийн үндэсний төвөөр зургаан уран зургийг сэргээн засварлуулна

Соёлын өвийн үндэсний төвд энэ онд аймгийн музейн 35 дэсийн 38 уран зургийг сэргээн засварлуулахаар санал хүргүүлжээ.

Уг саналын дагуу “Мөнх Найрамдал”, “Мөнх найрамдлын тууль”, “Давхрын өртөө”, “Их нүүдэл”, “Үйлдвэрийн район”, “Ачаа ачигч” зэрэг зургаан дэсийн зургаан уран зургийг сэргээн засварлуулахаар хүргэлээ.

Мөн үеэр 2023 онд хүлээлгэн өгч сэргээн засварлуулсан авдар, морин хуур, хул аяга зэрэг үзмэр, эд өлгийн зүйлийг хүлээн авсан аж.

Соёлын өвийн үндэсний төв нь нийтийн өмчийн түүх, соёлын дурсгалт зүйлийг сэргээн засварлах ажлын хүрээнд аймаг, орон нутгийн музей, шашны байгууллагуудад хадгалагдаж буй түүх, соёлын хөдлөх дурсгалт зүйлийг эрэмбэлэн сэргээн засварладаг ажээ.