Өнөөдөр нутгийн төв хэсгээр их хэмжээний бороо орно

Г.Номин

Өнөөдөр нутгийн төв хэсгээр их хэмжээний бороо орох тул үер усны аюулаас сэрэмжтэй байхыг анхааруулж байна. Ойрын өдрүүдэд ихэнх нутгаар усархаг бороо орох төлөвтэй байгаа учраас цаг агаарын тойм мэдээ танилцуулж байна.

2019 оны 6 дугаар сарын 16-ны 8 цагаас 20 цаг хүртэл: Ихэнх нутгаар үүлэрхэг. Баруун аймгуудын зүүн, төвийн аймгуудын ихэнх нутаг, говь болон зүүн аймгуудын нутгийн зарим газраар бороо орно. Дуу цахилгаантай. Салхи нутгийн баруун хагаст баруун хойноос, бусад нутгаар зүүн өмнөөс секундэд 6-11 метр, нутгийн зарим газраар секундэд 14-16 метр хүрч ширүүснэ. Дархадын хотгор, Алтай, Хангай, Хөвсгөл, Хэнтийн уулархаг нутгаар 14-19 хэм, Их нууруудын хотгор, Алтайн өвөр говь, говийн аймгуудын нутгийн өмнөд хэсгээр 25-30 хэм, бусад нутгаар 19-24 хэм дулаан байна.

УЛААНБААТАР ХОТ: Үүлэрхэг. Бороо орно. Салхи зүүн өмнөөс секундэд 6-11 метр, зарим үед секундэд 13-15 метр хүрч ширүүснэ. 20-22 хэм дулаан байна.