Xотын төв орчмоор түр хугацаанд зам хаана

ОХУ-ын Ерөнхийлөгч Владимир Владимирович Путин Монгол Улсад энэ сарын 2-3 ны өдрүүдэд албан ёсны айлчлал хийж байна.

Өндөр дээд хэмжээний айлчлалын үеэр зочны аюулгүй байдлыг хангах үүднээс Цагдаагийн байгууллагаас тодорхой замуудыг богино хугацаанд хаана.

Тухайлбал өнөөдөр нийслэлийн Наадамчдын гудамж, Энхтайваны өргөн чөлөө, Чингисийн өргөн чөлөө, Уулын зам, Амарын гудамж, Залуучуудын гудамж зэрэг замуудын тодорхой хэсгийг хэсэгчлэн тус тус хаах бөгөөд цагдаагийн байгууллагаас хаагдах замын талаар тухайн бүрт нь хэвлэл мэдээллийн хэрэгслээр дамжуулан мэдээлэх аж.

Өнөөдөр үдээс өмнө хотын төв буюу Шангри-Ла зочид буудлын орчмоор түр хугацаанд зам хаах юм байна.