Залуучуудын олимпийн наадам ОХУ-д болж магадгүй

 2024 оны Залуучуудын өвлийн олимпийн наадам ОХУ-д болж магадгүй байгаа тухай Олон улсын олимпийн хорооны төлөөлөгчийн мэдэгдсэнийг  “Insidethegames” цахим хуудас мэдээлжээ.

Оросоос гадна Болгар, Румын, Испани улсад энэ олимпийн наадмыг зохион байгуулж магадгүй байгаа аж. Олимпийн наадмыг эдгээр орны аль хотуудад зохион байгуулах сонирхолтой байгаа нь одоогоор тодорхойгүй байна.  Залуучуудын өвлийн олимпийн наадам нь 4 жилд 1 удаа болдог бөгөөд 2024 онд наадам болох хотыг ирэх жил сонгох аж.