Засгийн газар багш, эмч нарын цалинг 8 хувиар нэмлээ

Засгийн газрын ээлжит хуралдаан өнөөдөр боллоо. Хуралдаанаар төрийн албан хаагчдын цалинг шинэчилэн тогтоох тухай асуудлыг хэлэлцэж, тодорхой шийдэлд хүрсэн талаар Хөдөлмөр, нийгмийн хамгааллын сайд С.Чинзориг мэдээлэл хийв.

Тэрээр "Төрийн албан хаагчдын цалинг инфляцийн түвшинтэй уялдуулан нэмэх зарчим баримталж байна. Энэ удаад шүүгч, прокурор нарын цалинг нэмэхгүй. Эхний ээлжид багш эмч нар болон тэдэнтэй тэнцэхүйц, тэдгээрээс бага цалин авдаг төрийн албан хаагч нарын цалинг ирэх 9 дүгээр сарын 1-нээс 8 хувиар нэмж олгохоор шийдвэрлэлээ" гэдгийг онцоллоо.

Цогзолмаа