Б.Чинзориг, Э.Цэндбаатар нар Азийн шигшээ багт орж тулалдана

Боксын үндэсний шигшээ багийн гишүүн, Алдар спорт хороо, Монголын Зэс корпорацийн тамирчин ОУХМ Б.Чинзориг, Боксын үндэсний шигшээ багийн гишүүн, Сүлд спорт хороо, Ажнай корпорацийн тамирчин ОУХМ.Э.Цэндбаатар нар Ази тивийн шигшээ багт багтжээ.Тэд 2019 оны хоёрдугаар сарын 2-нд Чех улсын нийслэл Прага хотноо Ази-Европ тивийн халз тулаанд оролцохоор бэлтгэлээ базааж байна. Манай хоёр тамирчныг Алдар спорт хорооны дасгалжуулагч, Монгол Улсын гавьяат дасгалжуулагч А.Гантулга дасгалжуулна.Манай боксчид Чех улсад халз тулаанаа дуусгаад Унгар, Болгар улсад зохион байгуулах олон улсын тэмцээнд Ази тивийн шигшээ багийн хамт хүчээ сорин тулалдаад эх орондоо эргэн ирэхээр болжээ.