Хамгийн их мал тоолуулсан аймгаар Архангай аймаг тэргүүлсэн байна

Аймгуудаас Архангай аймаг 6.1 сая толгой мал тоолуулж тэргүүлсэн бол Хөвсгөл аймаг 6.03 саяар, Өвөрхангай 5.6 сая, Төв аймаг 4.9 сая, Хэнтий аймаг 4.8 сая мал тоолуулжээ.

Архангай аймаг адуу, үхэр, хонины тоогоор, Өмнөговь аймаг тэмээгээр, Баянхонгор аймаг ямаагаар тус тус тэргүүлсэн байна.

Мал тооллогын урьдчилсан дүнгээр 639.9 мянган толгой малтай, Хэнтий аймгийн Өмнөдэлгэр сум бусад сумаа тэргүүлжээ.

Удаалаад, Дундговь аймгийн Эрдэнэдалай сум 586.1 мянга, Архангай аймгийн Эрдэнэмандал сум 558.5 мянган толгой, Хэнтий аймгийн Хэрлэн сум 520 мянган толгой, Өвөрхангайн Богд сум 514.5 мянган толгой мал тоолуулж хамгийн олон малтай сумдаар нэрлэгдсэн байна.