Сургуулийн автобусаар зорчдог 4000 хүүхдэд байршил тогтоогч олгоно

Сургуулийн автобусаар хичээлдээ явдаг хүүхдүүдэд байршил тогтоогч буюу GPS бүхий бугуйвч тарааж эхэллээ.  Хүүхдийн аюулгүй байдлыг хангах тал дээр ийнхүү нийслэлийн удирдлагуудын зүгээс анхаарч уг автобусаар зорчиж буй 4000 орчим хүүхдүүдийг байршил тогтоогчтой бугуйвч олгох юм. 

Хүүхэд автобусанд ороод бугуйвчаа уншуулахад таньж, мэдээллийг нь эцэг, эхийнх нь гар утсан дахь апплейкшнд дамжуулдаг байна. Сургууль руугаа ороход мөн бугуйвчийг нь мэдэрч, мэдээллийг нь дамжуулах юм. Нийслэлийн мэдээллийн технологийн газраас уг аппликейшны талаарх мэдээлэл сургалтыг эцэг эхчүүдэд явуулж байгаа ажээ.