Цагаан сарын баярын өдрүүдэд гурван сая төгрөг хүртлэх цахим гүйлгээнээс шимтгэл авахгүй

Цагаан сарын баярыг тэмдэглэхгүй байх Улсын онцгой комисс, Засгийн газрын саналыг Ерөнхийлөгч дэмжиж зарлиг гаргасан. Үүнтэй холбоотойгоор УИХ-ын дарга цахим орчныг ашиглаж шинэлэхийг олон нийтэд уриалсан юм. Мөн тэрээр арилжааны банкууд цахим гүйлгээгээ шимтгэлгүй болгохыг уриалсан. Үүний дагуу арилжааны банкууд Цагаан сарын баярын өдрүүд буюу энэ сарын 24-28-нд иргэдийн гурван сая төгрөг хүртлэх цахим гүйлгээнээс шимтгэл авахааргүй болсон гэдгийг Монголбанкнаас мэдэгдлээ.