"COVID-19": Улс орнууд ямар арга хэмжээ авч байна вэ?

Улс орнуудад баасан гарагт ямар арга хэмжээнүүд авав?

• Их Британи: баасан гаргийн оройноос кафе, паб, зоогийн газруудыг хаалаа.
• АНУ: Мексик, Канадтай залгаа хилийн ихэнх зорчих хөдөлгөөнийг зогсоож, Нью-Йорк муж улсад онцын шаардлагагүй бизнесийн үйл ажиллагааг зогсоолоо.
• Испани: Засгийн газар чухал шалтгаангүйгээр гадуур явж буй хүмүүсийг армийн эргүүлүүд саатуулна гэж анхаарууллаа.
• Герман: хүн амын тоогоороо хоёрт жагсдаг Бавари нь хөл хорио тогтоосон анхны муж боллоо.
• Франц: Парисын төмөр замын буудлуудад цагдаа нар эргүүл хийж, амралтын өдрөөрөө зугаалах гэж буй хүмүүсийн аяллыг албадан зогсоохоор боллоо.
• Индонез: нийслэл Жакарта хотод даваа гаргаас онцгой байдал тогтоож, цэнгээний газар, кинотеатр болон бусад бизнесийн үйл ажиллагааг зогсоохоор боллоо. 
• Дэлхийн ихэнх улс орон олон нийтийн арга хэмжээ, боловсролын байгууллагуудын арга хэмжээг цуцлаад байна.