“Монголын мистер- 2019” тэмцээний ялагчаар Э.Ганзориг тодров

Монголын бодибилдинг, фитнессийн холбооны 28 дахь удаагийн “Монголын мистер- 2019” тэмцээн амжилттай болж өндөрлөлөө.  Энэ жилийн шилдгээр тус тэмцээний 2013, 2014 оны мистер Э.Ганзориг шалгарч, гурав дахь удаагаа аваргаллаа.

Тэрээр тэмцээний хамгийн хүнд жин болох эрэгтэй бодибилдинг ангиллын 85кг-ийн жинд эхлээд Монгол улсын дөрвөн удаагийн мистер Д.Бат-эрдэнэ, шилдэг тамирчин Г.Батнасан нарыг ялсан юм.

Улмаар үнэмлэхүй аваргын төлөө А.Баатар Ш.Жамц  Д.Энх-эрдэнэ, Мөнх-эрдэнэ Ч.Мянганбилэг гэсэн жингийн  зөрүүтэй тамирчидтай өрсөлдөж, алтан медалийн болзол хангажээ.