Өнөөдөр бага насны 2 хүүхдийг галаас аварлаа

Халдваргүйтгэл хийж байсан усны авто машины ажилтнууд өнөөдөр бага насны 2 хүүхэдтэй хашаанд гарсан галыг амжиж унтраан. тэднийг галын аюулаас хамгаалжээ.

Чингэлтэй дүүрэгт автомашинаар халдваргүйтгэл хийж байсан Хан-Уул агро ОНӨААТҮГ-ийн усны авто машин Чингэлтэй дүүргийн 19 дүгээр хорооны Дээд сахилтын 486 А тоотод бага насны 2 хүүхэд байсан хашаанд гал гарч байгаатай таарч шуурхай арга хэмжээ авч, халдваргүйтгэлийн бодистой усаа ашиглан галыг шуурхай унтраасан байна. Улаанбаатар хотын Захирагчийн ажлын албанаас зохион байгуулж буй авто машинаар хийх халдваргүйтгэлийн 3 дахь ээлжийн халдваргүйтгэл хуваарийн дагуу өнөөдөр Чингэлтэй дүүрэгт хийгдэж байгаа юм.

 

 

Иргэд хуурайшилттай үед гал түймрийн аюулаас урьдчилан сэргийлж ил задгай гал түлэхгүй, сонор сэрэмжтэй байхыг Улаанбаатар хотын Захирагчийн ажлын албанаас анхааруулж байна.