5, 0 тоогоор төгссөн автомашины жолооч нар энэ сард татвараа төлнө
Г.Отгонжаргал
Автомашины улсын дугаар 5 болон 0 гэсэн тоогоор төгссөн жолооч нар энэ сард татвар төлөх ёстой. Тиймээс хугацаандаа татвар төлж иргэний үүргээ биелүүлэхийг Нийслэлийн Мэдээлэл, технологийн газраас санууллаа.
Авто тээврийн хэрэгсэл эзэмшигч иргэд ухаалаг утасны SMARTCAR аппликейшн болон тээврийн хэрэгслийн нэгдсэн цахим үйлчилгээний www.smartcar.mn, www.itax.mta.mn цахим хуудсанд хандаж, авто тээврийн хэрэгслийн албан татвар, агаарын бохирдол, зам ашигласны төлбөрийг аль ч банкны онлайн гүйлгээний эрхтэй төлбөрийн карт, QPay үйлчилгээгээр дамжуулан төлөх бүрэн боломжтой. Мөн ГЭРЭГЭ киоск машинаар дурын банкны картаар төлөх боломжтой.
Мөн цаг заваа хэмнэж www.itax.mta.mn, www.smartcar.mn цахим хуудсаар дамжуулан төлбөрөө төлж болно. Авто тээврийн болон өөрөө явагч хэрэгслийн албан татвар, агаар бохирдлын төлбөр, авто зам ашигласны төлбөрийг онлайнаар төлсөн бол төлбөрийн баримтаа хэвлэж, тээврийн хэрэгслийн гэрчилгээндээ хавсаргаарай.
Тээврийн хэрэгслийн албан татвар, төлбөр хураах цэгүүдэд биечлэн очихоор бол: Тээврийн хэрэгслийн төлөх татварын дүн нэхэмжлэх үүссэн тохиолдолд Худалдаа хөгжлийн банк, Улаанбаатар Хотын Банк, ХААН банк, Голомт банк, Хас банк, Төрийн банканд төлж болохоос гадна дараах татварын цэгүүдээр үйлчлүүлж болно.
| Д/д |
Байршил |
Цагийн хуваарь |
| 1 |
Татварын хэлтэс /БЗД, БГД, СХД, СБД, ЧД, ХУД, НД, БХД, БНД/ |
Даваа ~ Баасан: 09:00 - 18:00 |
| 2 |
Авто Тээврийн Үндэсний Төв /цирк салбар, таван ган салбар/ |
Даваа ~ Баасан: 09:00 - 18:00 |
| 3 |
Нийслэлийн Үйлчилгээний Нэгдсэн Төв /Дүнжингарав, Мишээл, Драгон төв, 6 буудлын Оргил төв/ |
Даваа ~ Баасан: 09:00 - 18:00 |
| 4 |
Техник хяналтын үзлэгийн төв /БЗД, БГД, СХД/ |
Даваа ~ Баасан: 08:30 - 20:30 |
| 5 |
Да хүрээ худалдааны төв |
Мягмар ~ Ням: 08:30 - 17:30 |
Эх сурвалж: www.news24.mn