Барилгын компаниудад "COVID-19"-ийн нөхцөлд ажиллах зөвлөмж хүргүүлэв

 

Дулааны улирал эхэлж, барилга, бүтээн байгуулалтын ажил эрчимжиж буйтай холбогдуулан халдварт өвчний байдалд мөрдөн ажиллах журам бүхий Барилга, хот байгуулалтын сайдын албан даалгавар, ЭМЯ-наас COVID-19"-ийн нөхцөлд ажиллах зөвлөмжийг тус тус гарган хүргүүлээд байна. Үүнд барилгын гүйцэтгэгч компани, ААН-үүдэд:

• Ажилчдын биеийн халууныг үзэх,
• Хувцас солих өрөөтэй байх,
• Гараа угаах нөхцлийг бүрдүүлэх,
• Спиртэн суурьтай гар ариутгагчийг ариун цэврийн өрөө, хоолны газарт байршуулах,
• Ажилчдыг ээлжээр, цөөн тоогоор хооллох,
• Шим тэжээлтэй хоол хүнсээр хангах,
• Ажлын байр, хоолны газар, ажилчдын автобус, багаж төхөөрөмжийг сайтар цэвэрлэж халдваргүйжүүлэх,
• 1 л усанд 0.25 мл белизна хийж шал, тавцан, сандал, хаалганы бариул зэрэг хатуу гадаргууг арчих,
• ажлын ачааллыг зохицуулах,
• өие засах газрыг тогтмол халдваргүйжүүлж цэвэрлэх,
• Коронавируст халдвараас сэргийлэх зөвлөмжийг ил байршуулах:

Ажилчдад:

• Амны хаалт зүүх,
• Нүүр, нүд, ам, хамартаа хүрэхгүй байх,
• Бусадтай гар барихгүй, тэврэлдэхгүй байх,
• Гараа савандаж угаах, спиртэн суурьтай гар ариутгагч авч явах,
• Хүн хоорондын зай барих (хоол идэх, уулзах зэрэг бүх үед),
• Ажлын бээлий хэрэглэх,
• Хэрэглэсэн амны хаалт, бээлийг ил задгай хаяхгүй байх,
• Хувийн хамгаалах хэрэгслээ бусадтай солихгүй байх,
• Агаар сэлгэлт байнга хийх,
• Халуун бүлээн шингэн ойр ойрхон уух,
• Тамхи, ус, хоол ундаа хувааж хэрэглэхгүй байх,
• Сайн унтаж амрахыг тусгажээ.