Франц олны хүндэтгэлийг хүлээсэн алдартнуудын жагсаалтыг гаргажээ

 Францын шилдэг 50 алдартны жагсаалтыг энэ онд жүжигчин Софи Марсо, дуучин, хөгжмийн зохиолч Жан-Жак Гольдман нар тэргүүлжээ.

“Ifop” албанаас жил бүр явуулдаг социологийн санал асуулгын дүнд эдгээр алдартан жагсаалтыг тэргүүлсэн байна.

Эрэгтэй алдартнуудын жагсаалтад Гольдман дөрөв дэх жилдээ дарааллан тэргүүлжээ. Түүнийг Францын ард түмэн олны хайр хүндэтгэлийн хамгийн их хүлээсэн хүн гэж үзэж байна. Харин эмэгтэй алдартнуудын жагсаалтыг жүжигчин Софи Марсо хоёр дахь жилдээ дарааллан тэргүүлжээ. Тэрбээр “La Boum” кинонд бүтээсэн дүрээрээ олонд танигдсан жүжигчин билээ. Түүний араас жүжигчин Александра Лэми, Мими Мати, Флоранс Форести, Марион Котийяр нар оржээ.

Жагсаалтыг 1988 оноос гаргаж байгаа бөгөөд өнгөрсөн жилээс эрэгтэй, эмэгтэй алдартнууд хэмээн хоёр хэсэгт хуваасан байна. Шилдэг эрэгтэй алдартнуудын жагсаалтад “The Untouchables” кинонд дүр бүтээсэн жүжигчин Омар Си хоёрдугаарт орсон бол түүний араас Жан Рено, Жан-Поль Бельмондо, Дани Бун нарыг францчууд хамгийн их хүндэтгэл хүлээсэн алдартнууд гэж үзэж байна.

Санал асуулгыг 12 дугаар сарын 8-наас 11-нд явуулж, 15-аас дээш насны мянга гаруй хүнийг хамруулжээ. 

Эх сурвалж: ПАРИС. /Le Journal du Dimanche/