Асашёорюү Д.Дагвадорж Өвөрмонголын их аваргад золгожээ

Японы мэргэжлийн Сүмогийн 68 дахь их аварга, МУГТ, Хөдөлмөрийн баатар Д.Дагвадорж өөртэй нь очиж золгохоо мэдэгдэж утсаар холбогдоход тэрээр ихэд сандарсан тухайгаа хэлж байв. Сүмогийн их аварга "Эрхэм ах, та гэрийнхээ хойморт хүлээж байгаарай. Би дүү хүний хувьд, бөхийн жудгийг бодож тантай золгохоор шийдсэн юм" хэмээн ярьсан байна.Гэсэн ч Баярбаатар аварга нутгийн зон олны хамт, Хатавч боомт дээр хөтөлгөө морьтой түүнийг угтаж, Зүүн Үзэмчин хошуун дахь гэр хүртлээ давхилджээ. Тэрээр хөтөлж ирсэн эмээл хазаартай, шарга морио Д.Дагвадорж аваргад бэлэглэсэн байна.