TOEFL шалгалтад бэлдэхэд туслах сайтууд
TOEFL шалгалт бол таны англи хэлийг академик төвшинд хэрхэн суралцсаныг шалгахаар авдаг дэлхийн 100 гаруй улсын боловсролын байгууллагад хүчинтэй шалгалт юм. Энэхүү шалгалтад өндөр оноо авч чадсан хэн ч бай гаднын их дээд сургуулиудад англи хэл дээр суралцах боломж нээгддэг билээ.
TOEFL-ыг PBD буюу бичгээр, IBT буюу цахимаар өгдөг бөгөөд манай оронд IBT шалгалт илүү түгээмэл юм. Тиймээс тус шалгалтыг өгөхөөр бэлдэж буй хүн бүр цахим хэлбэрээр бэлдэж, дадах нь хамгийн чухал. Ингээд TOEFL- бэлдэхэд тань туслах үнэгүй цахим сайтуудыг танилцуулъя.
ETS TOEFL
TOEFL шалгалтын албан ёсны хуудас юм. Эндээс та шалгалтын тухай бүхий л мэдээлэл, мэдэхэд илүүдэхгүй тактик, үр бүтээлтэй бэлдэх арга барилууд, суралцах боломжтой.
4tests.com
Тус вэб сайтаар зочилсноор ТOEFL-д бэлдэх зөвлөгөө, мэдээлэл авахаас гадна, өмнөх жилүүдийн жишиг шалгалтуудыг үнэ төлбөргүйгээр өгч, өөрийгөө сорих боломжтой. Тус сайт таны авсан оноог тооцоолж өгөх бөгөөд таны гаргасан алдаа бүрийг тайлбарын хамт үзүүлдэг юм. Түүнчлэн ТOEFL-д бэлдэхэд номуудыг ч цахимаар татан авах боломжтой.
Learn 4 Good. com
ТOEFL-ийн тестийг сайн бэлтгэе гэвэл энэ сайтыг сонгоорой. Тестээр өөрийгөө шалгахаас гадна үр дүнгээ хэрхэн тооцох аргуудыг зааж өгдөг юм. Түүнчлэн TOEFL-д суурилан элсэлтээ авдаг их дээд сургуулиудын жагсаалт, тэтгэлгийн мэдээлэл ч оруулдаг .
Graduateshotline.com
ТOEFL –д бэлдэх зөвлөгөө, тэр тусмаа дүрэм, эссе бичлэгийн хэсэгт анхаарсан тусгай хичээлүүдтэй. Мөн жишиг шалгалт ч өгөх боломжтой бөгөөд тестүүдийг нь Pdf хэлбэрээр татаж авах боломжтой бөгөөд TOEFL-ийн номуудыг ч татаж авч болно.
nonstopenglish.com
Энэ сайт бол англи хэлний шалгалт өгөхөөр бэлдэж буй бүх оюутнуудад зориулсан мэдээлэл, мэдлэг түгээх бааз юм. Англи хэлний дүрмийн хичээлүүд болон түүнтэй холбоотой бүхий л дасгал, даалгавруудыг та эндээс авах боломжтой.
Эх сурвалж: Techstory