Ройтерс: Украины дайралтаас болж Оросын шатахууны экспорт цаашид буурч магадгүй
ОХУ шатахууны экспортдоо хориг тавьсны дараа буюу гуравдугаар сард төмөр замын шатахууны экспортоо хоёр дахин бууруулжээ. Дотоодын эрэлт нэмэгдэж, газрын тос боловсруулах үйлдвэр төлөвлөгдөөгүй зогсолт хийснээр дотоодын зах зээлээ чангаруулж эхэлсэн тадаар Ройтерс агентлаг мэдээлжээ.
Хоёрдугаар сарын сүүлчээр Орос хэрэглэгчид болон тариаланчдын эрэлт нэмэгдэж байгаа энэ үед үнийг тогтвортой байлгах, дэлхийн хоёр дахь том газрын тос экспортлогч газрын тос боловсруулах үйлдвэрүүдэд засвар үйлчилгээ хийх боломж олгох үүднээс гуравдугаар сарын 1-нээс эхлэн шатахууны экспортод зургаан сарын хориг тавьсан.
Ройтерс агентлаг эх сурвалжийн мэдээлэлд үндэслэн хийсэн тооцоогоор Оросын нефть боловсруулах үйлдвэрүүд гуравдугаар сард төмөр замаар 323 мянган тонн орчим бензин экспортолсон байна.
Энэ нь голчлон Монгол руу 75500 тонн, Узбекистан 53500 тонн, Тажикистан 47800 тонн, Киргизстан 42300 тонн руу экспортложээ.
Өнгөрсөн сард ердөө 16500 орчим тонн бензинийг Оросын Балтийн тэнгисийн Усть-Луга боомтоор, Хойд туйлын Мурманск боомт руу 13300 тонныг тээвэрлэсэн бол Высоцк, Санкт-Петербург, Новороссийск боомтоор тээвэрлээгүй байна.
Улирлын чанартай засвар үйлчилгээ, боловсруулах үйлдвэрүүдийн төлөвлөгдөөгүй тасалдлаас болж Оросын бензиний экспорт цаашид буурна гэж худалдаачид хүлээж байсан. Гуравдугаар сарын сүүлчээр Оросын газрын тос боловсруулах хүчин чадлын 14 орчим хувь нь Украины нисгэгчгүй онгоцны дайралтаас болж хэсэгчлэн зогссон талаар Ройтерс агентлаг мэдээлжээ.
Орос орон нутгийн хомсдлын эрсдэлийг арилгахын тулд хөрш Беларусь улсаас шатахууны импортлож магадгүй гэнэ.
