Э.Цэндбаатар Ази тивийн 2019 оны аварга боллоо

Тайландын Бангкок хотноо болж буй Ази тивийн 2019 аварга шалгаруулах тэмцээний эрэгтэйчүүдийн 60 кг-д Эрдэнэбатын Цэндбаатар Ази тивийн аваргаар тодорч алтан медалийн эзэн болов.

Тэрбээр пүрэв гарагт мөнгөн медалийн төлөөх тулаанд Узбекстаны боксчин Ш.Рахимовыг 5:0 харьцаагаар ялснаар алтан медалийн төлөө өрсөлдөх эрх авсан юм.

 

 

Ази тивийн АШТ-ий алтан медалийн төлөөх тулаанууд өнөөдөр 14 цагаас эхлэсэн бөгөөд Азийн наадмын аварга Э.Цэндбаатар, Казахстаны тамирчин З.Сапиуллинтай тулалдаж, илт давуугаар ялалт байгуулж, Монголын боксчдоос төрсөн 15 дахь Ази тивийн аварга боллоо.