ОХУ-ын Гадаад хэргийн сайд Сергей Лавров Бээжинд айлчилж байна

ОХУ-ын Гадаад хэргийн сайд Сергей Лавров Москвагийн Украины эсрэг эхлүүлсэн дайны үеэр ойрын дипломат холбоотон Хятадтай тогтоосон харилцаагаа бэхжүүлэхээр Бээжинд хүрэлцэн ирээд байна.

 ОХУ-ын ГХЯ-ны хэвлэлийн төлөөлөгч Мария Захаровагийн хэлснээс иш татан Оросын төрийн мэдээллийн агентлаг ТАСС "Сайд нар Украин болон Ази Номхон далайн бүс нутгийн байдал, хоёр талын хамтын ажиллагаа, олон улсын тавцан дахь харилцааны асуудлыг хэлэлцэнэ" гэжээ. Хятад, Орос хоёр цэргийн хамтарсан сургуулилалт хийсэн бөгөөд дарангуйлагч дэглэмийг халахыг эрмэлзэж байна гэжээ.

Украины дайнд Оросыг илт дэмжиж байгаа хэдий ч Хятадын ГХЯ-ны хэвлэлийн төлөөлөгч Мао Нин, "Хятад улс Украины асуудлаар бодитой, шударга байр суурьтай байна. Бид энх тайвны яриа хэлэлцээ, улс төрийн шийдлийг идэвхтэй сурталчилж ирсэн. Хятад бол Украины хямралыг үүсгэгч  тал биш, бид үүнээс ашиг олохын тулд юу ч хийгээгүй, хийхгүй" гэж  өдөр тутмын хэвлэлийн бага хурал дээр сэтгүүлчдэд хэлжээ.

Хятад Энэтхэг болон бусад улстай адил Москватай эдийн засгийн харилцаагаа тогтвортой байлгаж байгаа ч Орост зэвсэг, цэргийн тусламж үзүүлэхгүй гэж мэдэгджээ. 

Өнгөрсөн долоо хоногт БНХАУ-ын дарга Ши Жиньпинтэй утсаар ярихдаа АНУ-ын Ерөнхийлөгч Жо Байден БээжингОХУ-тай батлан ​​хамгаалах салбарын харилцаатай байгаа гэж үзэн Хятадад шахалт үзүүлэхээ мэдэгдсэн.

АНУ-ын хууль тогтоогчид Хятадад байрладаг “ByteDance” компани нь хуулийн төсөл батлагдсанаас хойш зургаан сарын дотор платформ дахь хувьцаагаа зарахгүй бол олон нийтийн мэдээллийн хэрэгсэл болох TikTok-ийг хориглох шинэ хууль боловсруулсан.

Хятадын эрх баригчид “ByteDance”-ийг TikTok ашигладаг 170 сая америкуудын мэдээллийг шилжүүлэхийг албадаж магадгүй гэж хууль тогтоогчид болгоомжилж байна.

Эх сурвалж: AP