Делид агаарын бохирдлыг бууруулах арга хэмжээнүүдийг танилцуулжээ
Ирэх дөрөвдүгээр сарын 1-нээс эхлэн 15-аас дээш жилийн насжилттай авто машинуудад шатахуун худалдаалахыг хориглохоор болсон талаар Энэтхэгийн Шинэ Дели хотын шинэ засгийн газар бямба гарагт мэдэгджээ.
Дели хотын Байгаль орчны сайд Манжиндер Сингх Сирса агаарын бохирдлыг бууруулах арга хэмжээнүүдийг танилцуулах үеэрээ мэдэгдэхдээ, ийм тээврийн хэрэгслүүдийг тогтоож, Дели рүү нэвтрэхийг хориглох албаны хүмүүсийн багийг удахгүй байгуулах ажээ.
Мөн агаарын бохирдлыг бууруулахын тулд зочид буудал, худалдааны төв, оффис зэрэг олон давхар барилгуудад манангийн их буу суурилуулах шаардлага тавина гэж тэрбээр хэлсэн байна. Делигийн засгийн газар мөн цаг агаарт хиймлээр нөлөөлөн бороо оруулах ажээ.
Дэлхийн хамгийн их агаарын бохирдолтой хотуудын нэг болох Делид агаарын бохирдол нь тулгамдсан асуудал болоод байна. Энэтхэгийн хэвлэлүүдэд мэдээлснээр, 2024 оны 11 дүгээр сард Делид агаарын чанарын индекс 795-д хүрсэн нь сүүлийн дөрвөн жилийн хугацаан дахь хамгийн өндөр үзүүлэлт болжээ.
Эх сурвалж : ШИНЭ ДЕЛИ /Xinhua/
